Unha das iniciativas
mais interesantes que nos atopamos este ano, foi a “Lonxa Xuvenil”, organizada
pola Concellería de Mocidade do Concello de Ferrol, e que buscaba dar saída ás
inquietudes e intereses da mocidade de Ferrol implicándoos no deseño e planificación
dunha actividade orientada ao seu ocio e intereses de tempo libre. No marco do
PDC (Móvete polo Catabois: Bule!)
pensamos que se trataba dunha oportunidade perfecta para traballar
relacionando deporte e ocio saudable, e así foi como os alumnos de 4º curso
traballaron durante varias semanas con axuda dos técnicos do concello e o
titor, e presentaron un proxecto que a punto estivo –e nós pensamos que o tiña
merecido- de levar un dos tres premios do concurso de ideas.
O nome do noso
proxecto era “Beach Festival Ferrol”: unha semana de música e deporte nas
praias, totalmente gratuíto e complementando con actividades de todo tipo
relacionadas con deporte e música. Así presentaban eles o proxecto:
“BFF é o Festival de música e
deportes de acción mais importante de Ferrol, onde pensamos reunir cada
ano cerca de 120.000 persoas para gozar das competicións, exhibicións,
concertos, gastronomía e o ambiente único que se xenera.
O Festival celébrase na praia de
Doniños (Ferrol), ao aire libre e é totalmente gratuito.
Conta con concertos ao aire libre e sesións de DJs durante toda a
noite que completan a programación. “
Desde o centro estamos moi orgullosos de como nos
representastes!
Ningún comentario:
Publicar un comentario